هێمن میرانی
سەیربکەن نەوت چ بەکارە لە کایەی سیاسی کوردستاندا...
پارتی و یەکێتی پێکهێنا،
تا چەند ساڵ پێکەوە وەکو برا داهاتەکەیان بەشکرد،
تا لە پڕێکا کێشە لەسەر بەش دروست دەبێ.
نەوت بودجەی لەسەر خەڵکی کوردستان، لە سەر دەسەڵاتداران نا، بڕی.
نەوت فرۆشرا بە سەربەخۆیی، بەڵام کوردستانی خستە ژێر قەرزەوە، وەکو ئەوەی کڕدرابێ،
نەوت، حکومەتی کوردستان ( لایەنی کەم بەشی پارتی ) و تورکیای کردە برای شیری.
نەوت هێرۆ خان و کاک نەوشیروانی پێکهێنا، دوای ئەوەی کاکە نەوە خەڵکی فێرکرد هەرچی قسەی سووکە بە ماڵی مام و یەکێتی بڵێن، لایەنی کەم لە نێو ماڵی خۆیان لە سنووری سەوز.
نەوت ئەمجارە هێرۆخان و ماڵی بارزانی کردەوە نەیار، پاش چەندین ساڵ شەریکە بەشی،
نەوت ئەمجارە کاک کۆسرەت و سەنگاوی لە بێ بەشیان زویر کرد
نەوت لە نێو پارتیش، بە هۆی کەمبەشی هەندێ خەڵک و لایەن، جار جارە لە سایت و پەیجی سێبەردا پێکدادان لە نێو پارتیەکان دروست دەکات.
نەوت چەندین رۆژنامەنووسی کڕی، چەندین سەنگەری بە خەڵک گواستەوە.
نەوت موچەی لە سەر مامۆستایانی زانکۆ بڕی و دوای دوو دەیە لە بێدەنگی، ناچاری کردن هەڵوێست وەرگرن، لایەنی کەم لەبەر موچەی خۆیان!!!
نەوت نەجمەدین کەریمی لە نەیاری سەرسەختی ماڵی بارزانیەوە کردە دۆست.
نەوت حەیدەر عەبادی و نێچیرڤانی کۆکردەوە ئەگەر چی ئەوەی دووەم هەر دەڵێ ئەوەی یەکەم نانی بڕیووین و " پورەشی نیە و موفلیسە".
نەوت کوردستان و خەڵکی هێنایە سەر ساجی عەلی
ئۆپۆزیسیۆنی بەهێز، و مانەوەی بارزانی دوای تەواوبوونی وادەکەی و کوشتنی رۆژنامەنووسان و حکومەتی بێخێر، نەیانتوانی شەقامی کوردی دژی گەندەڵی بجولێنن، دوور نیە نەوت ئەمجارە ئەو میللەتە خەوتووە بەخەبەر بکاتەوە،
بەعس و داعش و مالیکی و عەبادی سەری کوردیان پێ نەخورا، دوور نیە نەوت بیخوا.
