Welcome to Hemn Merany's Personal Blog

زۆر به‌ كورتى ئه‌م هه‌واڵه‌ ئه‌و مانایانه‌ى خواره‌وه‌ى هه‌یه‌: - شتێك نیه‌ ناوى جیاكردنه‌وه‌ى هه‌ر سێ ده‌سه‌ڵاته‌كه‌ بێ له‌ كوردستان، ده‌سه‌ڵاتى دادوه‌رى بێ شه‌رمانه‌ داواى سه‌یاره‌ كرِێن له‌ سه‌رۆكى حكومه‌ت ده‌كات و خودا ده‌زانێ چۆن داواكارییه‌كیان بۆ ناردووه‌ و چه‌نده‌ پارِاونه‌ته‌وه‌، له‌ كاتێك له‌ دونیادا ده‌سه‌ڵاتى دادوه‌رى سه‌رۆكى وڵات له‌سه‌ر كار لا ده‌بات، توركیاى دۆست و دراوسێى خۆمان باشترین و نزیكترین نمونه‌یه‌ له‌ ئازایه‌تى ده‌سه‌ڵاتى دادوه‌رى.. - به‌م لۆجیكه‌ ده‌بێ به‌رده‌وام بینه‌رى ئه‌وه‌ بین كه‌ ده‌سه‌ڵاتى دادوه‌رى بۆ به‌رژه‌وه‌ندى سیاسى به‌كاربهێندرێ، كێیان ویست حوكمى بده‌ن و كێشیان ویست بیشارنه‌وه‌ و داڵده‌ى بده‌ن و كه‌سیش بۆى نه‌بێ قسه‌ بكات. چونكه‌ خۆ ئه‌وهه‌موو پاره‌یه‌ بۆ مزگه‌وت خه‌رج نه‌كراوه‌، )سه‌یاره‌ت بۆ ده‌كرِم، ده‌بىَ به‌ گوێم بكه‌ى و قانون به‌و جۆره‌ جێبه‌جێ بكه‌ى كه‌ من ده‌مه‌وێ!( ئاخر ئه‌وه‌یه‌ سه‌دان كه‌س له‌ كوردستان داواى یاساییان له‌سه‌ره‌ و به‌ كه‌یفى خۆیان ده‌سورِێنه‌وه‌، خاوه‌نى ده‌سه‌ڵاتى دادوه‌رى له‌م جۆره‌ین! - سه‌رۆكى حكومه‌ت داهاتى نه‌و...

نا كارایى داموده‌زگاكان هێمن میرانی‌ له‌ دوای‌ ڕووداوه‌كانی‌ 17 شوبات، دۆخێك له‌ كوردستان دروست بووه‌ كه‌ گه‌وره‌ و بچووك، به‌رپرس و كاسب پێوه‌ی‌ مه‌شغول بوون، هه‌ر یه‌كه‌ و به‌ جۆرێك گوزارشتی‌ لێ‌ ده‌كات و هه‌ر لایه‌نێك به‌ جۆرێك هه‌وڵی‌ چاره‌سه‌ركردنی‌ كێشه‌كان ده‌دات، له‌و به‌رواره‌وه‌ سه‌دان پرۆژه‌ و خاڵ و گوتار و به‌ڵێنی‌ چاره‌سه‌ریمان بیست، ئه‌گه‌ر زێده‌ڕۆیی‌ نه‌بێ‌ له‌ شه‌ش مانگی‌ ڕابردوو هێنده‌ی‌ قسه‌ و به‌ڵێن دراوه‌، هێنده‌ به‌ جددی‌ ده‌ستنیشانی‌ كێشه‌ بنه‌ڕه‌تییه‌كان نه‌كراوه‌ و كاری‌ جددی‌ بۆ چاره‌سه‌ری‌ نه‌نراوه‌. من به‌ بێ‌ ئه‌وه‌ی‌ بگه‌ڕێمه‌وه‌ بۆ ئه‌و هه‌موو خاڵ و پرۆژه‌ و گوتارانه‌ی‌ له‌ ماوه‌ی‌ ڕابردوو پێشكه‌ش كراون، هه‌وڵ ده‌ده‌م په‌نجه‌ له‌سه‌ر هه‌ندێ‌ له‌ كێشه‌ بنه‌ڕه‌تییه‌كان دابنێم. به‌ بڕوای‌ من یه‌كێك له‌ كێشه‌ بنه‌ڕه‌تییه‌كانی‌ كوردستان لاوازی‌ بونیاد سیستمی‌ حوكمڕانییه‌، ئێمه‌ نه‌ك نه‌مانتوانیووه‌ داموده‌زگا ده‌وڵه‌تییه‌كانی‌ كوردستان بونیاد و به‌هێز بكه‌ین، به‌ڵكو تائێستاش بۆ چاره‌سه‌ركردنی‌ كێشه‌كانی‌ كوردستان و قسه‌ له‌سه‌ر كردنیان به‌سه‌ر داموده‌زگا نی...

پێكه‌وه‌ كاركردن هێمن میرانى ئۆپۆزیسیۆن ( هه‌ندىَ جار راسته‌وخۆ و هه‌ندىَ جار له‌ رێى سێبه‌ره‌كانیان): ئه‌و ده‌سه‌ڵاته‌ گه‌نده‌ڵه‌ و به‌ خۆشى بىَ یان به‌ ترشى ده‌بىَ برِوات و ساحه‌كه‌ بۆ خه‌ڵكى دیكه‌ چۆل بكات، ته‌نانه‌ت ئه‌گه‌ر زۆرینه‌ى خه‌ڵكیش ده‌نگیان بۆ بده‌ن ئه‌وه‌ ته‌زویره‌!. ده‌سه‌ڵات ( هه‌ندىَ جار راسته‌وخۆ و هه‌ندىَ جار له‌ رێى سێبه‌ره‌كانیان): ئۆپۆزیسیۆن به‌كرێگیراوى ئێرانن و قاسم سلێمانى ئاراسته‌یان ده‌كات، ئه‌وان به‌و دۆخه‌ ماندوو نه‌بوون و نابىَ ئه‌و قسه‌ گه‌ورانه‌ بكه‌ن، ئیسلامییه‌كان له‌ ده‌ره‌وه‌ ئاراسته‌ ده‌كرێن و كورِى خه‌ڵكى دیكه‌ن. ئه‌م دوو گوتاره‌ چاره‌سه‌رى كێشه‌كان دوا ده‌خات و نیگه‌رانى زیاتر و جیاوازى زیاتر له‌ نێو خه‌ڵك دروست ده‌كات و رقه‌كان قوڵتر ده‌كات.. ده‌ركه‌وت كه‌ نه‌ ئۆپۆزیسیۆن ده‌توانىَ به‌ چه‌پڵه‌ و هۆیها ئه‌و دوو حزبه‌ له‌ ده‌سه‌ڵات ده‌ربكات، نه‌ ئه‌و دوو حزبه‌ش به‌م سیاسه‌تى ئێستایان ده‌ست له‌و داموده‌زگایانه‌ به‌رده‌ده‌ن كه‌ حه‌ق وایه‌ هى حكومه‌تى هه‌رێم بن... حه‌قه‌ خه‌ڵك داوا بكه‌ن كه‌ ئه‌و دوو به‌ره‌ییه‌ كه‌ بۆ ئه‌و دۆخه‌ هه‌ستیار...

هێمن میرانی: گفتوگۆكانی ئیمرالی دوا دەرفەتە بەر بەتوندوتیژی گەورە بگرێ‌ لەتوركی هێمن میرانی خاوەنی بڕوانامەی ماستەر لەسەر پەیوەندییەكانی توركیاو ئەوروپاو شارەزا لەكاروباری توركیا لەوەڵامی چەند پرسیارێكی "ئێستانیوز"دا پێیوایە كەوتنی رژێمی ئەسەدو هاتنە كایەوەی فەزایەكی سیاسی نوێ‌ لەسوریا كە بێگومان رۆژئاوای كوردستان ژمارەیەكی قورس دەبێ‌ لەو فەزا نوێیە، كاریگەری راستەوخۆی بەسەر دۆخی باكوری كوردستان دەبێ‌ بۆیە ئێستا توركیا پەنای بردووەتە بەر دیالۆگ، هەروەها پێیوایە حزبە سیاسییەكانی توركیا وەكو باقی پرسەكانی دیكە سیاسەت بە دۆزی كوردەوە دەكەن، وەكو كاڵایەك بۆ دەنگ كۆكردنەوە بە دەستی دێنن. ئا: شەمێران سلێمان ئێستانیوز: گفتوگۆكانی ئیمرالی و هەوڵدان بۆ چارەسەری كێشەی كورد لەباكور، پێتوایە ئەمجارە گفتوگۆكان سەركەوتووبێت و بەدەردی گفتوگۆكانی ئۆسلۆ نەچێت؟ هێمن میرانی: سەركەوتنی هەر گفتوگۆیەك دەوەستێتە لەسەر هەڵوێستی لایەنەكانی نێو پرۆسەكە، ئەوان دەتوانن بڕیاربدەن كە رەوتی گفتوگۆكان بەرەو كوێ‌ بەرن. قسەی ئێمە تەنیا لێكدانەوەو پێشبینیە، پێشبینیش لەدونیای سیاسەتدا كەم جار وەكو خۆی د...

هێلى گشتى حكومه‌تێكى نیشتیمانى فراوان بۆ دواى هه‌ڵبژاردنى داهاتوو هێمن میرانى ئه‌م دوو به‌ره‌ییه‌ ته‌واو پێچه‌وانه‌ى له‌ كوردستان له‌ نێوان ئۆپۆزیسیۆن و ده‌سه‌ڵات هه‌یه‌ بۆ دۆخى ئێستاى كوردستان و عێراق و ناوچه‌كه‌ زۆر زۆر مه‌ترسیداره‌، هه‌ر رووداوێكى نه‌خوازراو زیانى زۆر گه‌وره‌ له‌و ئومێدانه‌ ده‌دات كه‌ ده‌كرێ له‌م دۆخه‌ى ناوچه‌ بكرێنه‌ به‌رهه‌م. به‌ بڕواى من پارتى و یه‌كێتى هه‌ر ته‌نازولێك بكه‌ن بۆ ئۆپۆزیسیۆن له‌م دۆخه‌ له‌ مێژوودا بۆیان تۆمار ده‌كرێ، چنینه‌وه‌ى قازانجى سیاسى حزبى ته‌سك كارێكى زۆر نامه‌ردانه‌ و كورتبینانه‌یه‌ جا ئۆپۆزیسیۆن بیكات یان ده‌سه‌ڵات. ئه‌م دۆخه‌ چه‌نده‌ له‌ هه‌ڵبژاردنه‌كان نزیك بینه‌وه‌ مه‌ترسیدار تر ده‌بێ. ئه‌وه‌نده‌ى من سه‌رى لێ ده‌ربكه‌م به‌ باشى ده‌زانم پێشنیار بکه‌م كه‌ حكومه‌تى نوێى كوردستان له‌ پاش هه‌ڵبژاردنه‌كان حكومه‌تێكى نیشتیمانى بنكه‌ فراوان بێ كه‌ له‌ ئێستاوه‌ هه‌ردوو هێزه‌كه‌ى ده‌سه‌ڵات و ئۆپۆزیسیۆنه‌كان به‌رنامه‌یه‌كى نیشتیمانى فراوان بۆ چاكسازى بكه‌نه‌ كارنامه‌ى ئه‌م حكومه‌ته‌. ئه‌نجامى هه‌ڵبژاردنه‌كانیش بكرێته‌ پێوه‌ر بۆ سه‌ر...

ساڵى پار وه‌زیرى وزه‌ى به‌ریتانیا رووبه‌رووى دادگا كرایه‌وه‌ ته‌نیا له‌به‌ر ئه‌وه‌ى له‌ سه‌فه‌رێكى هاتنه‌وه‌ى له‌ ئه‌وروپا ئۆتۆمبێله‌كه‌ى زیاد له‌ خێرایى ئاسایى لێخورِیووه‌، هه‌رچه‌نده‌ بیانووى هێنایه‌وه‌ كه‌ خۆى ماندوو بووه‌ و هاوسه‌ره‌كه‌ى سه‌یاره‌ى لێخورِیووه‌ كه‌چى دادى نه‌دا و دواتر ناچار بوو ده‌ستیش له‌ كار بكێشێته‌وه‌. ئه‌و مه‌سئولانه‌ى لاى ئێمه‌ نه‌ك حساب بۆ قانون ناكه‌ن، به‌ڵكو حساب بۆ سه‌لامه‌تى و ژیانى خه‌ڵكیش ناكه‌ن. ئاخر به‌ عه‌نته‌ریات لێخورِین له‌ ترافیكى سوور ته‌نیا پێشێلى قانون نیه‌، به‌ڵكو حساب نه‌كردنه‌ بۆ ژیان و سه‌لامه‌تى ئه‌و شوفێرانه‌ى دیكه‌ كه‌ له‌ ترافیكه‌ سه‌وزه‌كه‌ى ئه‌و به‌ره‌وه‌ وه‌كو مافى خۆیان دێن... با بزانین ئه‌وانه‌ له‌ پاش ئه‌و پێشێلكارییه‌ چ ده‌ڵێن، هه‌رچه‌نده‌ ئه‌وه‌ له‌ لایه‌ن شتێكى زۆر ئاساییه‌. سه‌یرى رووداو بكه‌ن....http://rudaw.net/kurdish/index.php/news/19976.html

پێم وایه‌ شتێكى چاوه‌رِوان نه‌كراو نیه‌ كه‌ گۆرِانیش وه‌كو باقى حزبه‌كانى دیكه‌ ئینشیقاقى تێ بكه‌وىَ، به‌ تایبه‌ت چونكه‌ پێكهاته‌ى سه‌ره‌كى به‌رِێوه‌به‌رانى ئه‌م بزوتنه‌وه‌یه‌ هه‌ر كۆنه‌ سه‌ركرده‌كانى یه‌كێتین، ئه‌و جیله‌ى كه‌ باوه‌رِیان به‌ جێهێشتنى كورسى و ده‌ستاوده‌ستكردنى پۆست و ده‌سه‌ڵات نیه‌. ئه‌م جیله‌ چ له‌ناو پارتى و یه‌كێتى بن چ له‌ ریزى هه‌ر حزب و بزوتنه‌وه‌یه‌كى دیكه‌، خه‌باتى شاخ ده‌كه‌نه‌ پێوه‌ر بۆ ئیداره‌كردنى شار و به‌رده‌وام بوون له‌ كارى سیاسى، سه‌یرم پىَ دىَ ئه‌وانه‌ بۆ نیازیان نیه‌ تۆزێك بۆ خۆیان بژین و له‌زه‌ت له‌ ژیانى تایبه‌تى بكه‌ن، چونكه‌ ئه‌وه‌ى كورسى هه‌بىَ، باوه‌رِ ناكه‌م له‌زه‌ت له‌ ژیانى تایبه‌تى خۆى بكات... گۆرِان به‌م پێكهاته‌یه‌ى ئێستاى و به‌و بیركردنه‌وه‌یه‌ سیاسییه‌ى سه‌ركرده‌كانى ئێستاى، له‌گه‌ڵ ئه‌و دیوه‌ باشانه‌ى له‌ بۆنه‌ى دیكه‌دا ده‌رباره‌ى بزوتنه‌وه‌ى گۆرِان گوتوومانه‌، هه‌رگیز ناتوانىَ خۆى له‌ ته‌وقى حزبێكى جیابووه‌ له‌ یه‌كێتى و نه‌یارى پارتى بۆ حزبێكى به‌دیل له‌ كوردستان رزگار بكات، به‌ وردى سه‌رنجدان له‌ ئه‌ده‌بیات و گوتار و بڵاوكراوه‌كانى ...